Ақтөбе облысында үш жылда 1 триллион теңгеден астам құрылыс жұмыстары орындалды
Ақтөбе облысы – Қазақстанның ең ірі әрі қарқынды дамып келе жатқан өңірлерінің бірі. Бүгінде бұл тек еліміздің маңызды өнеркәсіптік орталығы ғана емес, сонымен қатар ауқымды құрылыс алаңына айналған аймақ.
Соңғы үш жылда облыста 1 триллион теңгеден астам құрылыс жұмыстары орындалды. Биылғы жылдың алғашқы алты айында құрылыс жұмыстарының көлемі 162,3 миллиард теңгені құрап, былтырғы жылдың сәйкес кезеңімен салыстырғанда 15,2 пайызға артты. Жыл соңына дейін тағы 308 миллиард теңгеден астам құрылыс жұмыстарын орындау жоспарланып отыр.
