«Қарасора-2026»

2026 жылғы 1 маусым мен 31 қазан аралығында республика аумағында есірткі құралдарының заңсыз айналымына қарсы бағытталған «Қарасора-2026» республикалық жедел-профилактикалық іс-шарасы өткізілуде.

Іс-шара барысында полиция қызметкерлері құрамында есірткісі бар өсімдіктер заңсыз өсірілуі мүмкін ауыл шаруашылығы алқаптарын, қараусыз қалған аумақтарды және өзге де учаскелерді тексеруде.

Жұмыстың тиімділігін арттыру мақсатында республикалық “Ақтөбе-Астрахань” тас жолында жүргізушілерге профилактикалық түсіндіру жұмыстары ұйымдастырылуда.

Есірткі қылмысына қарсы күрес – әр азаматтың қауіпсіздігі мен қоғамның болашағы үшін маңызды.

Егер есірткіге қатысты құқық бұзушылықтар туралы қандай да бір ақпарат білсеңіз, бұл жөнінде «102» арнасына хабарлауыңызды сұраймыз.

Темір аудандық полиция бөлімі