ӘЧ 2022 финалы: Мессидің еңбегі мен Аргентинаның тарихи жеңісі

0
102
ӘЧ 2022 финалы: Мессидің еңбегі мен Аргентинаның тарихи жеңісі

Бір айға созылған футболдан әлем чемпионаты Аргентинаның жеңісімен аяқталды.

«Лусаил» стадионында болған финал — голдар мен драмалық сәттерге толы болды.

Ойынның 23-минутында француз қорғаушысы тәртіп бұзып, айып добынан Аргентина капитаны Месси есеп ашты. Артынша, 36-минутта Аргентинаның негізгі құрамда бірінші рет шыққан Анхель Ди Мария есепті еселеп кетті.

Бірінші тайм толығымен аргентиналықтардың басымдығымен өтті. Есеп — 2:0

Екінші таймда да Аргентина құрамасы франциялықтарға бірде бір мүмкіндік бермейтіндей көрінді. Алайда, ойынның соңына қарай француздарға пенальти бұйырып, есепті қысқартты. Кейін матчтың бір минуты өтпестен, 81-минутта Мбаппе Францияның екінші голын соқты. Осылайша, 2:2 тіркелді.

Матч қосымша таймда да қыза түсті. Аргентиналықтар толассыз шабуылға көшті. 109-минутта Месси ойынның нүктесін қойғандай көрінген, бірақ франциялықтар 117-минутта таразы басын пенальти арқылы қайта теңестірді.

Матч соңы пенальти лотераясымен бітті. Гонсало Монтиэль Льористің қақпасына мүдірмей гол салып, аргентиналықтарға кубок сыйлады.

Дереккөз: BAQ.KZ