АЭС салу – болашақ үшін маңызды қадам

Қазақстанның болашағы – таза, қауіпсіз және тұрақты энергия көздерінде. Атом электр станциясы (АЭС) құрылысы – энергетикалық тәуелсіздік пен тұрақтылықты қамтамасыз етуге бағытталған маңызды қадамдардың бірі. Алайда, бұл шешім тек экономикалық тұрғыдан емес, экологиялық, әлеуметтік және қауіпсіздік аспектілерін де қамтиды. АЭС құрылысы елдің энергетикалық қажеттілігін қамтамасыз етіп қана қоймай, климаттық өзгерістерге қарсы күресуде маңызды рөл атқаруы мүмкін. Дегенмен, әрбір азаматтың дауысы бұл мәселенің қалай шешілетінін айқындайды.

Референдум – халықтың пікірін ашық және әділ түрде білдіруге мүмкіндік беретін ең тиімді құрал. Сіздің дауысыңыз елдің энергетикалық болашағын анықтауда шешуші болуы мүмкін. Сондықтан баршаңызды белсенді түрде қатысып, ел болашағына өз үлестеріңізді қосуға шақырамын! Әрбір пікір маңызды, ал әрбір шешім біздің ортақ болашағымызды құрайды.

Ауданның белсенді жасы Жоламан А.Е