АУДАН ӘКІМІ АУЫЛДЫҚ ОКРУГТЕРДЕ БОЛДЫ
Аудан әкімі А.Жақсылықов өткен аптада округтің әлеуметтік-экономикалық дамуы және алдағы жоспарларымен танысу мақсатында ауылдық округтерге жұмыс сапарымен барды.
ТАСҚОПАДА
Тасқопа ауылының бірқатар әлеуметтік нысандарын қарап шығып, округ әкімі М.Қожақованы жылдың қорытындысы және алдағы жылға жоспарлары бойынша тыңдады.
Сонымен қатар, округ әкіміне алдағы жылға жоспарларын қайта қарау бойынша тиісті ескерпелер жасап, арнайы бағыттар беріп, тұрғындар тарапынан көтерілген мәселер ескерусіз қалмауын жеткізіп, көтерілген ұсыныстарға байланысты нақты шаралар қабылдауды тапсырды.
ҚАЙЫҢДЫДА
Алдымен аудан басшысы Құмқұдық ауылының жасы үлкен тұрғыны, ардагер Қарақойшин Қорқыт ақсақалдың шаңырағына барып, амандығын білді.
Кейіннен бірқатар Бабатай ауылында су тасқынының алдын алу мақсатында қабылданған шаралар мен әлеуметтік нысандардың жұмыс барысын қарап шығып, округ әкімі Р.Рашевты жылдың қорытындысы және алда жылға жоспарлары бойынша тыңдады.
Сондай-ақ, аудан әкімі жоспарларды қайта қарау бойынша округ әкіміне тиісті ескертпелер жасап, арнайы нұсқамалар беріп, тұрғындар тарапынан түскен мәселелерді жеке бақылауға алып, тиісті бөлім басшыларымен жұмыс жасауды тапсырды.
ЖАҚСЫМАЙДА
Аудан әкімі А.Жақсылықов Жақсымай ауылдық округіндегі жұмыс сапары кезінде округтің әлеуметтік-экономикалық дамуы және алдағы жоспарымен танысу мақсатында бірқатар нысандардың жұмыс барысын қарады.
Атап айтқанда, аудан басшысы Шұбарқұдық ауылындағы жаңадан салынған 150 орындық Шұбарқұдық ауылдық клуб үйінің, ауылдық амбулатория, «Айгөлек» балабақшасы және №2 Шұбарқұдық қазақ-орыс тілінде жалпы орта білім беретін мектебінің жұмыстарын қарап шығып, округ әкімі С.Төлеуовты жылдың қорытынды есебі мен алдағы жылға жоспарлары бойынша тыңдады.
Сондай-ақ, аудан басшысы өңірдегі өзекті мәселелер, оларды шешу жолдары, жоспарларды қайта қарау бойынша округ әкіміне тиісті ескертпелер жасап, арнайы нұсқамалар берді.
АЛТЫҚАРАСУДА
Алтықарасу ауылында жаңадан салынып жатырған ауылдық амбулаториясының құрылыс жұмыстарымен аудан басшысы танысып, мәдениет үйі, мектеп-балабақшасының жұмыс барысын қарап, ауылдық округ әкімінің м.а. Т.Макинді атқарылған шаралар мен ағымдағы мәселелер бойынша тыңдады.
Сонымен қатар, аудан басшысы округ әкімінің м.а. Т.Макинге салынып жатырған құрылыс нысандары бойынша нұсқамалар беріп, алдағы жылғы округті дамыту жоспарын орындау кезінде ауыл шаруашылығын дамытуға жете мән беру қажеттігін ескертті.
ТЕМІРДЕ
Алдымен аудан басшысы Темір қаласындағы дене шынықтыру және сауықтыру кешенінің құрылыс жұмыстарымен танысты.
Аудан әкімі округ аумағындағы мекемелерінің жұмыс барысын қарап шығып, округ әкімі Е.Далмағамбетовты жылдың қорытындысы және алдағы жылғы жоспары бойынша тыңдады.
Сондай-ақ, аудан басшысы округ әкіміне басты мақсат Темір қалалық округінің экономикалық даму әлеуетін көтеру және ауыл тұрғындарының жағдайын жасау екенін ескертіп, тұрғындар тарапынан көтерілген мәселелерге байланысты нақты шаралар қабылдауды және құрылыс жұмыстарының сапалы жүргізілуін бақылауға алуды тапсырды.
Сонымен қатар, ауданның экологиялық ахуалын оңтайландырудағы жұмыстардың басым көпшілігі Темір орман шаруашылығы мекемесіне тиесілі екенін негізге ала отырып, “Таза Қазақстан” экологиялық акциясы аясында елдімекендерді көгалдандыру мақсатында жаңа жобалар енгізу қажеттігін атап өтті.
