Тоқаев: Қазақстан-Ресей қарым-қатынасы жан-жақты стратегиялық әріптестік пен одақтастық деңгейіне көшіп жатыр

Тоқаев: Қазақстан-Ресей қарым-қатынасы жан-жақты стратегиялық әріптестік пен одақтастық деңгейіне көшіп жатыр
АСТАНА. KAZINFORM — Қазақстан мен Ресей — сапалы әрі мазмұнды стратегиялық әріптестік пен одақтастық құра алған елдер. Ресейдің «Российская газета» басылымына шыққан «Мәңгілік достық — халықтарымызға жол сілтер темірқазық» атты авторлық мақаласында Президент Қасым-Жомарт Тоқаев осындай ой айтады.

Мемлекет басшысы мұндай ынтымаққа екі халықтың қазіргідей турбулентті, болжап болмайтын кезеңді бірлесіп еңсеруге деген саналы ұмтылысы негіз болып тұрғанын айтады.

— Басқаша айтқанда, мәңгілік достық — екі мемлекет пен оның халқы үшін темірқазық. Екі елдің қарым-қатынасы үнемі жетіліп келе жатқанымен, тұрақтылығымен ерекшеленеді. Өйткені байланыстарымыз терең сенімге, құрмет пен теңдікке негізделген. Халықтарымыздың болашағы алдындағы өзара жауапкершілік екіжақты ынтымақтастықтың күн тәртібінде тұрған бүкіл мәселелерінің шешімін табуға мүмкіндік береді. Менің түсінігімше, Қазақстан мен Ресейдің стратегиялық әріптестігі мен одақтастығы еуразиялық қауіпсіздік жүйесін құрудың аса маңызды факторы болып отыр, — деп жазады Қасым-Жомарт Тоқаев.

Президент Астана мен Мәскеудің қарым-қатынасы жан-жақты стратегиялық әріптестік пен одақтастық деңгейіне көшіп жатқанын атап өтеді.

— Екіжақты ынтымақтастықтың барша жетістіктері президент Владимир Владимирович Путиннің осы бағыттағы жігерлі, өнімді қызметімен тығыз байланысты. Қазақстанда ол жаһандық ауқымдағы мемлекет қайраткері ретінде қалтқысыз құрметке ие. Оның есімі әлемнің талай еліндегі саясаткерлер мен қарапайым адамдардың аузынан түспейді, — дейді Мемлекет басшысы.

Айта кетелік Президент Қасым-Жомарт Тоқаев 11-12 қарашада Ресей Федерациясына мемлекеттік сапармен барады.

Тегтер:
Ресей
Қасым-Жомарт Тоқаев
Путин

Есімжан Нақтыбай
Автор
Соңғы жаңалықтар
BRT: Алматының Желтоқсан көшесімен екі бағытта жаңа автобус бағыттары жүреді
Қоғам қайраткері Ғалым Доскен дүниеден озды
Бельгияда TRUMP атты саяси партия құрылды
«Туған жерге туыңды тік»: Абай облысында жергілікті инвесторлар өңірді қалай қолдап жатыр
Ержан Қошқаров Цифрландыру департаментінің директоры болды
10:23, 11 Қараша 2025 | GMT +5
Тіл алуандығы — Қазақстанның ерекше артықшылығы — Президент мақаласы
АСТАНА. KAZINFORM — Президент Қасым-Жомарт Тоқаев Ресейдің «Российская газета» басылымына шыққан «Мәңгілік достық — халықтарымызға жол сілтер темірқазық» атты авторлық мақаласында Қазақстандағы тіл саясатының келешегіне тоқталған.

Фото: Ақорда
— Мен елдегі тіл алуандығын әрдайым ерекше артықшылығымыз деп сендім. Қазақстанда ондаған мәдениет бейбіт өмір сүреді және бір-бірін өзара байытады. Орыс тілі Қазақстанда қоғамның әлеуметтік-саяси, рухани өмірінің, ғылым мен білімнің ажырамас элементі ретінде танылған және айрықша қолдауға ие.

Біз орыс тілін қолдауды халықтар арасындағы диалог пен сенімді нығайтатын кең гуманитарлық өзара іс-қимылдың бөлігі ретінде қарастырамыз. Сондықтан мен орыс тілін дамытатын халықаралық ұйым құру туралы бастама көтердім, — деп жазады Қасым-Жомарт Тоқаев.

Президент Қазақстан жастары қазақ, орыс тілдерімен қатар ағылшын, қытай және т. б. тілдерді меңгеруге тиіс екенін айтады.

— Қорытындыласақ, Астана мен Мәскеудің қарым-қатынасы бүкіл Еуразия кеңістігіндегі көптеген іргелі процеске шешуші әсер ететінін тағы да атап өткім келеді.

Біздің ынтымақтастығымыз жансыз формальдылық пен инерциядан ада — ол шын мәнінде жанды және серпінді, уақыт сынағына төтеп беріп қана қоймай, жаңа дәуірдің қиындықтарына икемді төтеп бере алады.

Әлем жаңа бағдарларды іздеп жатқан кезеңде Еуразия сенімді тірек көздеріне, конъюнктурадан ада, ортақ тағдыр идеясынан қорек алатын одақтастыққа мұқтаж.

Қазақстан мен Ресей халықтары болашаққа тарихи және рухани тамырға адал бола отырып ұмтылады. Бұл біздің елдеріміздің стратегиялық серіктестігі мен одақтастығы әрқашан бүкіл құрлық үшін жасампаздықтың, қауіпсіздік пен ынтымақтастықтың тірегі болатынына сенімділік береді, — деп түйіндеді Мемлекет басшысы.

Айта кетелік Мәскеуде «Қазақстан–Ресей достығы сквері» ашылады.

Тегтер:
Ресей
Қасым-Жомарт Тоқаев
Саясат
Қазақ тілі

Есімжан Нақтыбай
Автор
Соңғы жаңалықтар
BRT: Алматының Желтоқсан көшесімен екі бағытта жаңа автобус бағыттары жүреді
Қоғам қайраткері Ғалым Доскен дүниеден озды
Бельгияда TRUMP атты саяси партия құрылды
«Туған жерге туыңды тік»: Абай облысында жергілікті инвесторлар өңірді қалай қолдап жатыр
Ержан Қошқаров Цифрландыру департаментінің директоры болды
10:11, 11 Қараша 2025 | GMT +5
Мәскеуде «Қазақстан–Ресей достығы сквері» ашылады
АСТАНА. KAZINFORM — Мәскеуде «Қазақстан–Ресей достығы сквері» ашылады. Бұл жайында «Российская газета» басылымында жарық көрген Мемлекет басшысы Қасым-Жомарт Тоқаевтың «Мәңгілік достық — халықтарымызға жол сілтер темірқазық» деген тақырыппен берілген авторлық мақаласында айтылған.

Фото: Pexels
— Халықтарымызды жанды жіптей байланыстыратын көпқырлы гуманитарлық байланыстар да ерекше назар аударуға лайықты. Биыл Астанада «Қазақстан мен Ресейдің мәңгі достық аллеясының» салтанатты түрде ашылуы екі ел арасындағы мығым әрі достық байланыстың нышанына айналды. Ал жақын уақытта Мәскеуде «Қазақстан–Ресей достығы сквері» ашылмақ, — деді Президент.

Мемлекет басшысының айтуынша, музейлер, кітапханалар, театрлар, көркем галереялар мен кинематографистер арасындағы ынтымақтастық нығайып келеді. Жастар, ғылым және спорт бағыттарында бірқатар бірлескен форум мен іс-шаралар өткізу жоспарланған. Ғылым-білім саласындағы өзара іс-қимылға да айрықша мән беріледі. Жоғары технологиялық жобаларды жүзеге асыру білікті мамандарсыз мүмкін емес. Өйткені білім жасанды интеллект пен жаппай цифрландыру дәуірінде болашақтың интеллектуалды іргетасын қалыптастырады.

— Қазақстанда Ресейдің тоғыз жетекші жоғары оқу орнының филиалы табысты жұмыс істеп тұр. Соңғы жылдары білім саласындағы серіктестік жаңа деңгейге көтерілді: Астанада Мәскеу мемлекеттік халықаралық қатынастар институтының филиалы ашылды, ал Омбы қаласында әл-Фараби атындағы Қазақ ұлттық университетінің филиалы жұмысын бастады. Бұл — Ресей аумағындағы шетелдік жоғары оқу орнының алғашқы өкілдігі. Бұл тек кадр даярлау мен академиялық байланысты нығайту ғана емес — бұл нақты сенімге және шынайы стратегиялық жақындасуға негізделген берік көпір. Бұған қоса, Алматы қаласында Ресейдің әйгілі «Сириус» мектебінің филиалын салу туралы маңызды шешім қабылданды, — деді Қасым-Жомарт Тоқаев.

Естеріңізге сала кетейік, Президент Қасым-Жомарт Тоқаев 11-12 қарашада Ресей Федерациясына мемлекеттік сапармен барады.

https://kaz.inform.kz/news/maskeude-kazakstanresey-dostigi-skver-ashiladi-134caf