Ұлттық құндылықтар үйірмесі
Оқушылар үйіндегі «Оюлар сыры» үйірмесінің оқушыларға үйретері көп. Мұнда оқушылар жүн басу, ши тоқу, ою ойып, ағаш материалынан түрлі бұйымдар жасауды үйренуде.
Ата-бабадан қалған ұлттық құндылықтарды оқушылардың бойына сіңіруді мақсат еткен үйірменің нәтижесі де баршылық. Айталық, жақында өткен республикалық «Алтын қазына» көркем және сәндік-қолданбалы өнері бойынша балалар шығармашылығы көрме-байқауының облыстық кезеңіне оқушыларымыз қатысып, жақс нәтиже көрсетті.
Атап айтқанда, «Жүн басу» номинациясы бойынша Кожан Алтынай өзінің ұлттық киімін ұсынып, І-ші орынды жеңіп алу мен бірге, байқаудың республикалық кезеңіне жолдамаға ие болса, Сергеева Баян «Ши тоқу» номинациясы бойынша жүлделі ІІІ-ші орыннан көрінді. Талапты оқушыларымызға сәттілік тілейміз!
Төлеген Конирбаев
